Home » ବ୍ୟବସାୟ » ବଢିଲା ବୀମା ଅବଧି, କେଉଁମାନଙ୍କର ଜାଣନ୍ତୁ

ବଢିଲା ବୀମା ଅବଧି, କେଉଁମାନଙ୍କର ଜାଣନ୍ତୁ

ବଢିଲା ବୀମା ଅବଧି, କେଉଁମାନଙ୍କର ଜାଣନ୍ତୁ

ଭୁବନେଶ୍ୱର: ଦେଶର ବିଭିନ୍ନ ରାଜ୍ୟରେ କରୋନା ସଂକ୍ରମଣ ମାମଲା ବୃଦ୍ଧି ପାଉଥିବାବେଳେ କରୋନା ଯୋଦ୍ଧାଙ୍କ ପାଇଁ ଉଦ୍ଦିଷ୍ଟ ବୀମାର ଅବଧିକୁ ଆଉ ୬ମାସ ବୃଦ୍ଧି କରାଯାଇଛି । ରାଜ୍ୟ ସ୍ୱାସ୍ଥ୍ୟ ବିଭାଗ ଏନେଇ ଆଜି ସ୍ୱତନ୍ତ୍ର ରିଲିଫ କମିଶନରଙ୍କ କାର୍ୟ୍ୟାଳୟ, ଜିଲ୍ଲାପାଳ ଓ ଜିଲ୍ଲା ମୁଖ୍ୟ ଚିକିତ୍ସା ଅଧିକାରୀମାନଙ୍କୁ ଅବଗତ କରାଇଛି। ଏହି ବୀମା ଅବଧି ୨୦୨୨ ଏପ୍ରିଲ ୧୯ରୁ ୧୮୦ ଦିନ ପାଇଁ ବୃଦ୍ଧି ପାଇବ। ରାଜ୍ୟ ସ୍ୱାସ୍ଥ୍ୟ ବିଭାଗର ସ୍ୱତନ୍ତ୍ର ସଚିବ ଡାକ୍ତର ଦୀନବନ୍ଧୁ ପଣ୍ଡା ଏନେଇ ସମସ୍ତ ଜିଲ୍ଲାପାଳ ଓ ଜିଲ୍ଲା ମୁଖ୍ୟ ଚିକିତ୍ସା ଅଧିକାରୀଙ୍କୁ ଚିଠି ଲେଖି ଅବଗତ କରାଇଛନ୍ତି । ପ୍ରଧାନମନ୍ତ୍ରୀ ଗରିବ କଲ୍ୟାଣ ପ୍ୟାକେଜ ଅନ୍ତର୍ଗତ କୋଭିଡ୍ -୧୯ ମୁକାବିଲା କାର୍ୟ୍ୟରେ ନିୟୋଜିତ ସ୍ୱାସ୍ଥ୍ୟକର୍ମୀଙ୍କ ନିମନ୍ତେ ଉଦ୍ଦିଷ୍ଟ ବୀମାର ଅବଧିକୁ ଏପ୍ରିଲ ୧୯ରୁ ଆଉ ୧୮୦ଦିନ ବୃଦ୍ଧି କରାଯାଇଛି । ଏହି ବୀମା ସୁବିଧା ଉଭୟ ସ୍ୱାସ୍ଥ୍ୟ କର୍ମୀ ଓ କରୋନା ଯୋଦ୍ଧାମାନଙ୍କୁ ମିଳିବ । ବିଶେଷକରି କରୋନା ମୁକାବିଲାରେ ନିୟୋଜିତ ଘରୋଇ ହସ୍ପିଟାଲର କର୍ମଚାରୀ, ଅବସରପ୍ରାପ୍ତ, ସ୍ୱେଚ୍ଛାସେବୀ, ସ୍ଥାନୀୟ ସହରାଂଚଳ ସ୍ୱାୟତ୍ତ ସଂସ୍ଥା, ଠିକା, ଆଡହକ୍‌, ଆଉଟସୋର୍ସିଂ ଓ ଦୈନିକ ପାରିଶ୍ରମିକ ନେଉଥିବା କର୍ମଚାରୀଙ୍କ ପାଇଁ ଏହି ବୀମା ଉପଲବ୍ଧ ହେବ । ଦେଶର ବିଭିନ୍ନ ଭାଗରେ ଏବେବି କରୋନା ଯୋଦ୍ଧାଙ୍କ ମୃତ୍ୟୁ ହେଉଥିବାରୁ ଏହି ବୀମା ଅବଧି ବୃଦ୍ଧି କରାଯାଇଥିବା ଜଣାପଡ଼ିଛି ।

insurance

Share: